Türkiyənin Qəhrəmanmaraş şəhərində zəlzələ nəticəsində birmərtəbəli ev 2,5 metr dərinliyə batıb.
AzerTimes Oxu.az-a istinadən xəbər verir ki, Düzcedə yerləşən evə ciddi ziyan dəyməsi, torpaqda əmələ gələn çatlar zəlzələnin miqyasını üzə çıxarıb.
Ev sahiblərinin sözlərinə görə, zəlzələ baş verən zaman gurultu səsi eşidiblər və evlərinə avtomobil çırpıldığını zənn ediblər. Daha sonra onlar zəlzələ baş verdiyini anlayıblar. Yeraltı təkanlar şiddətləndikcə evin divarları dağılıb. Sonradan isə evin düşdüyü hal görənləri təəccübləndirib.
Kənddə olan 20 evdən 17-i dağılıb.