Qəbələ rayonunda əcnəbi vətəndaşın xəsarət alması ilə nəticələnən yol qəzası olub.
AzerTimes xəbər verir ki, hadisə Qəbələ şəhər ərazisində qeydə alınıb.
Belə ki, hərəkətdə olan “Mersedes Vito” markalı mikroavtobus digər bir avtobusla toqquşub. Nəticədə “Mersedes Vito” da olan Küveyt vətəndaşı, 1983-cü il təvəllüdlü Fərəh Alrefaei müxtəlif dərəcəli bədən xəsarətləri alıb. Yaralı Qəbələ Rayon Mərkəzi Xəstəxanasına yerləşdirilib.
Məlumata görə, qəzaya səbəb yolun buzlu olmasıdır.
Faktla bağlı araşdırma aparılır.