“Qazprom” Avropanı Ukrayna ərazisindən keçən qaz axınını kəsməklə hədələyir.
AzerTimes xəbər veirir ki, bu barədə “Blumberq” məlumat yayıb.
“Qazprom” xəbərdarlıq edib ki, noyabrın 28-dən Moldova istehlakçılarına çatmayan qazın həcminə uyğun olaraq tranzit həcmlərini məhdudlaşdıracaq. Marşrut həm də Avropaya gedən nəqliyyat üçün istifadə olunur, lakin əhəmiyyətli dərəcədə azaldılmış həcmdə. Avropa ehtiyat edir ki, Moldova məsələsinə görə qaz xətti tamamilə bağlana bilər. Rusiya qazının olmadığı bir qış Avropa üçün problem olacaq”, – məlumatda deyilir.
“Qazprom”un hesablamalarına görə, hazırda Ukraynada Moldova üçün nəzərdə tutulan 52,52 milyon kubmetr qaz toplanıb. Bu balanssızlıq davam edərsə, “Qazprom” noyabrın 28-i saat 10:00-dan etibarən Ukraynaya qaz tədarükünün kəsilməsinə başlayacaq. Hazırda “Qazprom” Ukrayna vasitəsilə Avropaya gündə təxminən 43 milyon kubmetr qaz göndərir.