Qazax şəhərində ümumi sahəsi 100 m² olan birmərtəbəli 3 otaqlı evin dam örtüyünün yanar konstruksiyaları 50 m² sahədə və 1 otağının tavanı 25 m² sahədə yanıb.
Fövqəladə Hallar Nazirliyindən AzerTimes-a bildirilib ki, evin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.
Bundan əlavə, Beyləqan rayonu, Yeni qəsəbə yaşayış massivində ümumi sahəsi 121 m² olan birmərtəbəli evdə 1 m² sahədə döşəmə, 1 ədəd televizor, 1 ədəd kondisioner, kreslo və yataq dəsti yanıb. Evin qalan hissəsi yanğından mühafizə olunub.
Yanğın yanğından mühafizə bölmələri tərəfindən söndürülüb.