Tiflis klinikasına yerləşdirilən Gürcüstanın keçmiş prezidenti Mixail Saakaşvilinin səhhəti son dərəcə ağırdır, o, yerindən tərpənə bilmir,
AzerTimes xəbər verir ki, bu barədə sabiq prezidentin qardaşı Georgi Saakaşvili yerli mediaya açıqlamasında deyib.
“Vəziyyəti çox ağırdır və getdikcə pisləşir. Ya uzanır, ya da oturur. Klinikaya köçürüləndə özü ora gedib, indi isə onun hərəkət etməsi belə çətinləşib. Həkimlər deyirlər ki, əgər belə davam etsə, hər şey ölümcül nəticələnə bilər”, – Saakaşvilinin qardaşı bildirib.