Bəli, Rusiyanın xarici işlər naziri Sergey Lavrov qəbuledilməz ifadələr işlədib, faktiki olaraq Ermənistanı işğalçı adlandırıb. Ancaq bir “əmma” var, Lavrov heç olmasa, yeddi rayonun işğalından danışır. İndiki hökumət isə de-fakto buna bütün Qarabağı da əlavə edir.
AzerTimes xəbər verir ki, bunu erməni politoloq Qagik Ambaryan deyib.
“Ermənistanda təəssüf ki, hakimiyyətin istifadə etdiyi antierməni tezislərinə lazımi əhəmiyyət vermirlər. Hökumətimiz Qarabağ münaqişəsinin nizamlanması prosesini tamamilə məhv edib. Qarabağda referendum keçirməklə prosesin nizamlanması ehtimalı sıfra endirilib. Paşinyan hakimiyyəti Qarabağı təslim etməyə hazırdır. Bundan sonra Qarabağda yalnız Azərbaycanın əllərini öpməyə hazır olanlar qalacaq”, – o bildirib.