Avrokubokların 3-cü təsnifat mərhələsinin cavab oyunlarından sonra UEFA reytinqi açıqlanıb.
AzerTimes xəbər verir ki, “Qarabağ” Çempionlar Liqasında “Ludoqorets”ə (Bolqarıstan) qalib gəlməsi (7:2) ölkəmizə daha 0,250 xal qazandırıb.
Xalını 18,750-ə yüksəldən Azərbaycan reytinqdə 25-cidir. Qazanılan xallara baxmayaraq, ölkəmiz bir pillə geriləyib. Buna İsveçin irəliləməsi səbəb olub. Eyni xalı olan İsveç 24-cü, Kipr isə 18.474 xalla 26-cıdır.
Əlavə edək ki, siyahıya İngiltərə (89.160) başçılıq edir.