Qərbdə Üçüncü Dünya müharibəsinə yol açan ölkələr var, Rusiya Prezidenti Vladimir Putin isə sülhdən danışır.
AzerTimes xəbər verir ki, bunu Türkiyə Prezidenti Rəcəb Tayyib Ərdoğan deyib.
“Aydındır ki, silah alverçilərinə pul lazımdır. Silah alverçiləri üçün bazar isə Qərbdir. Türkiyə Ukrayna münaqişəsinin qlobal miqyasda genişlənməsinin qarşısının alınmasına, onun tezliklə həllinə ümid edir. Rusiya lideri Putinlə danışıqlar zamanı Ukrayna münaqişəsinin həllində Ankaranın vasitəçiliyi mövzusunu müzakirə etdik. Münaqişənin ilk günündən Rusiya Prezidenti Vladimir Putin və Vladimir Zelenski ilə danışıqlar aparmışıq. “Bu danışıqlar zamanı bizim vasitəçiliyimiz hara gedə bilər, nə dərəcədə effektiv ola bilər” suallarını müzakirə etmək imkanımız oldu. Əslində, Rusiya Prezidenti cənab Putinlə görüşüm zamanı vasitəçilik məsələsini yenidən müzakirə etdik”, – o bildirib.
Ərdoğan əlavə edib ki, Türkiyə gələcəkdə ŞƏT-in daimi üzvü olmasını gözləyir, lakin bu, vaxt apara bilər:
“Ankara Rusiya və Çinlə ŞƏT çərçivəsində əlaqələri inkişaf etdirməyə davam etmək istəyir”.