Rusiya Prezidenti Vladimir Putinin yerində olsaydım, Türkiyə lideri Rəcəb Tayyib Ərdoğanla görüşmək üçün Türkiyəyə səfər etməkdən çəkinərdim.
AzerTimes xəbər verir ki, bunu qondarma “dxr”in sabiq “müdafiə naziri” İqor Girkin bildirib.
“Mən Vladimir Vladimiroviçin yerində olsaydım, Ərdoğanın Türkiyədə onunla görüşmək təklifini qəbul etməyə risk etməzdim”, – Girkin vurğulayıb.
O, Putinin Türkiyədən Haaqaya göndərilmə ehtimalı olduğunu bildirib.
Qeyd edək ki, 17 mart 2023-cü ildə Haaqa şəhərində yerləşən Beynəlxalq Cinayət Məhkəməsi Rusiya Prezidenti Vladimir Putinin və Rusiya Prezidenti yanında uşaq hüquqları üzrə səlahiyyətli şəxs Mariya Alekseyevna Lvova-Belovanın həbsinə order verib.
Türkiyə Beynəlxalq Cinayət Məhkəməsinin Roma Statutunu imzalamayıb və ratifikasiya etməyib. Bu baxımdan İqor Girkinin “narahatlığı” əbəsdir.