Kütləvi fermer etirazları AB hökumətlərini böyük güzəştlərə getməyə məcbur etdi, Kiyevin Qərb müttəfiqləri ilə siyasi əlaqələri Rusiyanın genişmiqyaslı işğalından sonra ən zəif səviyyəyə düşdü. Vladimir Putin, görünür, sevincdən əllərini ovuşdurur, çünki böhranın əsl təşkilatçısı odur.
AzerTimes xəbər verir ki, bu barədə “Politiko”da dərc olunan məqalədə deyilib.
Qeyd olunub ki, AB fermerlərinin bu il mallarını sata bilməməsinin Ukrayna və onun nəhəng kənd təsərrüfatı sektoru ilə heç bir əlaqəsi yoxdur:
“Aydındır ki, Rusiya ərzaq ixracından, xüsusən də buğdadan yumşaq güc kimi istifadə edir. Son dərəcə əlverişli hava şəraiti sayəsində Rusiya son iki ildə görünməmiş miqdarda buğda yetişdirib və onu dünya bazarında ucuz satıb. Ukrayna idxalına bütün diqqət yetirilməsinə baxmayaraq, AB-nin bəzi ölkələri ucuz Rusiya məhsullarından istifadəyə davam edir. İspaniya, İtaliya və Fransa Rusiya taxılının daimi alıcılarıdır”.