Xəbər verdiyimiz kimi, ötən gün Belarus lideri Aleksandr Lukaşenkonun birbaşa apardığı danışıqlar nəticəsində sülh yolu ilə yatırılan qiyamda “Vaqner”in rəhbəri Yevgeni Priqojinin tələbi müdafiə naziri Sergey Şoyqu və Baş Qərargah rəisi Valeri Gerasimovun istefaya göndərilməsidir.
AzerTimes xəbər verir ki, Rusiya Federasiyasının Müdafiə Nazirliyinə yaxın olan “Rıbar” Teleqram kanalı mənbəyə istinadla bu tələbin qəbul edildiyini deməyə əsas olduğunu iddia edib.
Qeyd edək ki, Kremlin mətbuat katibi Dmitri Peskov nazir təyinatının birbaşa Prezident Putinin səlahiyyətində olduğunu, buna görə də Lukaşenko-Priqojin danışıqlarının müzakirə mövzusu ola bilməyəcəyini açıqlamışdı. Buna baxmayaraq, Putinin Şoyquya etibarının azalıb-azalmadığı sualına cavab verə bilməyəcəyini demişdi.