Priqojinin qiyam cəhdinin üzə çıxardıqları:
1. Priqojini fikirindən daşındıranın məhz Lukaşenko olması Belarus liderini xarakter kimi önə çıxardı. Putin Lukaşenko qarşısında borclandı;
2. Rusiyalıların qiyamçı Priqojini və dəstəsini alqışla qarşılayıb, alqışla yola salması Putinin daxildə ciddi mənada nüfuzunun zədələndiyinə işarədir;
3. Çevrilişə cəhd göstərdi ki, Rusiya qiyam və yaxud da terrora açıq dövlətdir;
4. Üsyan yarımçıq da qalsa, Putin Rusiyasının gələcəyi adına muzakirə olunacaq çoxsaylı suallar meydana çıxardı;
5. Priqojin Ukraynada 100 min əsgərin öldüyünü dedi və 1,6 ay ərzində Rusiya Müdafiə Nazirliyinin gizlin saxladığı statistikanı ruslara və dünyaya çatdırmış oldu;
6. Priqojin Belarusa köçür, onun dəstəsində xidmətdə olan, lakin üsyana qatılmayanlar rus ordusuna, qatılanlar isə mülkü həyata keçir. Bu isə o deməkdir ki, “Vaqner” sıradan çıxarılır;
7. “Vaqner”in timsalında Rusiya peşəkar döyüşçülərdən məhrum olur;
8. “Vaqner” özəl hərbi şirkət olsa da, onun döyüş meydanını tərk edib, Moskvaya doğru hərəkətlənməsi dünyanın 2-ci hərbi gücündə nizamsızlıq olduğunu ortaya qoydu;
9. “Vaqner”in bir sutka tamam olmadan maneəsiz olaraq 800-900 km irəliləməsi və Rostov, Voronej kimi şəhərləri nəzarəti ələ götürməsi ölkədaxili təhlükəsizlik sisteminin işləmədiyindən xəbər verir;
10. Rusiya Qərb ölkələrinə və NATO-ya zəif tərəflərini göstərdi. Artıq Rusiya ordusu haqda “əzəmətli” mifi sarsıldı;
11. Əgər Şoyqu və Gerasimov vəzifələrində qalsa, ciddi hərbi-siyasi füqura çevriləcəklər;
12. Rusiya hərbi elitasında yüksək postlar tutan müsəlman və Qafqaz əsilli generallarla slavyan əsilli generallar arasında ən azı vəzifə uğrunda mübarizə sürətlənə bilər.