Rusiya ordusu cəbhə xəttində ciddi itkilər verir və bu, Ukraynada döyüşən Rusiya Silahlı Qüvvələrinin şəxsi heyətinin azalmasına səbəb olub.
AzerTimes xəbər verir ki, bu sözləri “Vaqner” hərbi özəl təşkilatının rəhbəri Yevgeni Priqojin deyib.
“Hazırda cəbhədə çox ciddi itkilər var. Bölmələrdəki döyüşçülərin sayı azalır. Əvvəllər taqım 100-dən çox adamla tapşırıq yerinə yetirirdisə, indi bu say 50 və ya 60 nəfərdir. Şəxsi heyət azaldıqca, təbii ki, əsgər ölümləri də artır. İnsanlar səfərbər və hazır olmalıdır. Əks halda, müharibəni, insanların və ərazilərin itkisini dayandırmaq mümkün olmayacaq”, – Priqojin bildirib.