İlham Əliyev hakimiyyətə gəldikdən sonra korrupsiyaya qarşı mübarizə yeni vüsət aldı.
AzerTimes xəbər verir ki, bunu İlham Əliyevin Prezident seçilməsinin 20-ci ildönümü ilə əlaqədər keçirilən tədbirdə Baş prokuror Kamran Əliyev deyib.
Baş prokuror bildirib ki, artıq korrupsiyaya qarşı mübarizə dövlətin əsas siyasətinə çevrilib:
“Korrupsiyaya qarşı Mübarizə İdarəsinin yaradılması da məhz Prezidentin uğurlu siyasətinin və prokurorluq orqanlarına verdiyi qiymətin nəticəsidir. Prezidenti əmin edirəm ki, prokurorluq orqanları bundan sonra da öz fəaliyyətlərini siyasi kursa uyğun olaraq, qanunla nəzərdə tutulan istiqamətdə davam etdirəcəklər”.