Polşa və Ukrayna sərhədi açmaq üçün həll yolu tapmağa yaxındır.
AzerTimes xəbər verir ki, bunu Polşanın Baş naziri Donald Tusk deyib.
“Məsləhətləşmələr göstərdi ki, dünyada Ukrayna və Polşa dostluğuna, həmrəyliyinə, əməkdaşlığına xələl gətirə biləcək heç bir qüvvə yoxdur. Xüsusən də Rusiyanın Ukraynaya təcavüzü olan ümumi təhlükə qarşısında…”, – o bildirib.
Tusk əlavə edib ki, tərəflər kənd təsərrüfatı məsələsində irəliyə doğru bir addım atıb.
Qeyd edək ki, polşalı fermerlər artıq bir neçə aydır Ukraynadan kənd təsərrüfatı məhsullarının idxalına qarşı çıxaraq sərhəddə yaxın yolları bloklayır.