Ermənistanın müdafiə naziri Suren Papikyan İrəvanda səfərdə olan Kollektiv Təhlükəsizlik Müqaviləsi Təşkilatının (KTMT) baş katibi İmanqali Tasmaqambetov ilə görüş keçirib.
AzerTimes xəbər verir ki, bu barədə Ermənistan Müdafiə Nazirliyi məlumat yayıb.
Danışıqlar zamanı bir sıra beynəlxalq və regional təhlükəsizlik məsələləri, o cümlədən Ermənistan ətrafında hərbi-siyasi vəziyyət ətrafında fikir mübadiləsi aparılıb.
Sərhəddəki vəziyyətdən danışan Papikyan KTMT-nin kollektiv təhlükəsizlik mexanizmlərinin aktivləşdirilməsi ilə bağlı uzun müddətdir mövcud olan problemlər, eləcə də ölkəsinin gözləntiləri barədə baş katibə məlumat verib.