Roma Papası Fransisk Rusiya və Ukrayna arasında “hamnın hamıya” prinsipinə əsasən əsirlərin mübadiləsinə və israillilərlə fələstinlilər arasında atəşkəsə çağırıb.
AzerTimes xəbər verir ki, Papa bu çağırışını ənənəvi Pasxa mesajında edib.
“Fikirlərim ilk növbədə İsrail və Fələstində, eləcə də Ukraynada baş verən münaqişələrdən başlayaraq dünyada baş verən çoxsaylı münaqişələrin qurbanlarına yönəlir. Qoy Məsih bu bölgələrin əzab çəkən əhalisi üçün sülh yolunu açsın. Beynəlxalq hüququn prinsiplərinə hörmət etməyə çağıraraq, Rusiya və Ukrayna arasında bütün məhbusların universal mübadiləsinə ümid edirəm”, – Papa bildirib.