Ərazisi 5 hektara qədər olan pambıqçı fermerlər hər 1 hektar pambıq əkini üçün gubre.az-dan dövlət subsidiyası hesabına aldıqları 1 kisə pambıq toxumuna 1 kisə azot gübrəsi hədiyyə alacaqlar.Kampaniyanın başlıca məqsədi kiçik pambıqçı fermerlərin sahələrində məhsuldarlığın artırılmasıdır.
Kənd təsərrüfatı sektorunun bütün sahələrində olduğu kimi, pambıqçılıqdada fermerlərimizə göstərilən dövlət dəstəyi artmaqda davam edir və bu dəstəyin hesabına pambıq sahələrinin məhsuldarlığı ildən-ilə artır.
Dövlətin kənd təsərrüfatısahəsində həyata keçirdiyi yeni subsidiya mexanizmlərinin uğurlu icrası nəticəsində kənd təssərrüfatı istehsal vasitələrinin bazarı liberallaşıb və yüksək məhsuldarlıqlı yeni toxum növləri fermerlərimizə dahada əl çatan olub.
Ölkəmizdə kənd təsərrüfatı istehsal vasitələrinin əsas təchizatçılarından biri kimi Aqrar İnnovasiya və Təchizat Şirkəti olaraq, biz də dövlətimizin pambıqçılığa olan həssas yanaşmasına öz töhfəmizi vermək üçün fermerlərimizə hərtərəfli dəstək olmağaçalışırıq.
Respublikamızın bir çox bölgəsində sınaq əkinləri həyata keçirilən Türkiyənin “May Toxum” şirkətinin istehsalı olan pambıq toxumları fermerlərimizi sevindirən nəticələr verib. Digər rəqibləri ilə müqayisədə daha bol və keyfiyyətli pambıq verən “May” toxumlarının ölkəmizin iqlim şəraitində uğurla sınaqdan çıxması pambıqçılıqla məşğul olan təsərrüfatçılarımızda bu toxuma marağı artırıb.
“May” pambıq toxumundan əldə edilən yüksək nəticələr Aqrar İnnovasiya və Təchizat Şirkəti olaraq bizə stimul verdi ki, bu sortun daha təkmilləşdirilmiş variantlarını da ölkəmizə idxal edək və pambıqçılarımızın istifadəsinə verək.
Beləliklə, bu ildən etibarən ilk dəfə olaraq, Türkiyənin “May Toxum” şirkətinin daha yüksək məhsuldarlıq vəd edən və xəstəliklərə davamlı “May-455” sortlu pambıq toxumlarını fermerlərimizətəqdim edirik.
“May-455” pambıq toxumları ortalama 50-60 sentner məhsul verir. Bu göstəriciyə görə “May-455” ən qabaqcıl nəticələrdən birinə sahibdir. “May-455” ən yaxın rəqibindən daha tez yetişdiyi üçün 1 dəfə az suvarma edilir. Bu da ölkəmizin su ehtiyatlarının qorunmasına xüsusi töhfə vermiş olacaq. Sortun yarpaq sayı digər sortlarla müqayisədə daha az olduğu üçün pestisid çilənməsindən daha yaxşı nəticə əldə edilir. Sort az tüklü olduğu üçün məhsul daha təmiz yığılır, bu isə daha yüksək lif keyfiyyəti deməkdir.
Fermerlərimiz “May-455” pambıq toxumlarını respublikanın bütün bölgələrindəgubre.az satış nöqtələrindən 100% dövlət subsidiyası hesabına əldə edə bilərlər. Qeyd edək ki, gubre.az “Aqrar İnnovasiya və Təchizat Şirkəti”QSC-yə məxsus kənd təsərrüfatı istehsal vasitələrinin satış şəbəkəsidir.
Aqrar İnnovasiya və Təchizat Şirkətinin mütəxəssisləri pambıqçılıqla məşğul olan fermerlərimizin maariflənməsi və bitkiyə düzgün aqrotexniki qulluq edərək, bol məhsul əldə edə bilmələri üçün “Pambıqçılıq üzrə kompleks əkin proqramı” adlı xüsusi kitabçada hazırlayıb.Pambıq becərilməsi prosesinin bütün mərhələlərini əhatə edən kitabçada fermerlərimizə qaranlıq qalan bütün məqamlar ən müasir qaydalar əsas götürülməklə işıqlandırılıb.
Pambıqçılıq sahəsində öndə gedən ölkələrin təcrübələri əsasında hazırlanmış “Pambıqçılıq üzrə kompleks əkin proqramı” kitabçasında fermerlərimiz sahələrindən yüksək keyfiyyətli məhsul götürmək üçün lazım olan hər bir addım barədə detallı məlumatlandırılıb, hər bir addımın elmi izahı verilib, pambıqçılıq sahəsində istifadə edilməli olan ən müasir aqrotexnoloji və aqrokimyəvi vasitələr tövsiyə edilib.
Artıq ölkəmizin bir çox regionunda pambıqçılıqla məşğul olan və olmaq istəyən fermerlərimizə paylanılan bu kitabça təsərrüfatçılarımızın da təqdirini görüb. Kitabçada qeyd olunan bir çox vacib məsləhət bu il pambıqçılarımızın sahələrindən çox yüksək nəticələr əldə etməsinə şərait yaradacaq.
Kitabçanın PDF variantını yüklə
Ətraflı məlumat üçün bizə zəng edin: 828
Whatsapp nömrə: +994508282828
www.gubre.az