Pakistanın müdafiə naziri Xavaca Asifin başçılıq etdiyi yüksək səviyyəli nümayəndə heyəti Kabilə səfər edib.
AzerTimes xəbər verir ki, bunu Talibanın sözçüsü Zabiullah Mücahid deyib.
“Danışıqlarda Əfqanıstanı Baş nazirin müavini Molla Əbdül Qani Baradar Axund, xarici işlər naziri Əmir Xan Müttəki və kəşfiyyat rəhbəri Molla Əbdül Haq Vasik təmsil edib. Əsasən təhlükəsizlik məsələləri, Əfqanıstandakı “müxalifət döyüşçülərinin” fəaliyyəti müzakirə olunub. Əfqan qaçqınlar məsələsi də müzakirə olunan mövzular arasındadır. Problemlərin dialoq yolu ilə həllinə, siyasi-iqtisadi əlaqələrin inkişaf etdirilməsi və möhkəmləndirilməsinə diqqət yetirilib”, – o bildirib.