İran Sistan və Bəlucistan əyalətlərinə raket hücumları ilə bağlı Pakistanın dərhal aydınlıq gətirməsini tələb edir.
AzerTimes xəbər verir ki, bu barədə “Tasnim” mənbəyə istinadla məlumat yayıb.
Qeyd edək ki, Pakistan XİN “Partizanlara ölüm”(Marg Bar Sarmachar) əməliyyatı ilə Sistan və Bəlucistan əyalətindəki terrorçuların bazalarına zərbələr endirildiyini bildirmişdi. Sistan və Bəlucistan əyalətinin qubernatorunun təhlükəsizlik və hüquq-mühafizə orqanları ilə iş üzrə müavini Əlirza Mərhəməti zərbələr nəticəsində İran vətəndaşı olmayan 3 uşaq və 4 qadının öldüyünü açıqlayıb.