“Oreşnik” orta mənzilli ballistik raketinin bütün döyüş başlıqları Ukraynanın Dneprdəki hərbi-sənaye kompleksinin obyektinə çatıb.
AzerTimes xəbər verir ki, bu barədə Rusiya Müdafiə Nazirliyi məlumat yayıb.
“2024-cü il noyabrın 21-də ABŞ və Böyük Britaniyanın uzaqmənzilli silahlarının Rusiya ərazisindəki obyektlərə qarşı istifadəsinə cavab olaraq, silahlı qüvvələr Ukraynanın Dnepr şəhərindəki hərbi sənaye kompleksinin obyektlərindən birinə birgə zərbə endiriblər. Döyüş şəraitində ilk dəfə olaraq “Oreşnik” nüvəsiz hipersəs orta mənzilli ballistik raketi hücumda uğurla istifadə edilib. Bütün döyüş başlıqları hədəfə çatıb”, – məlumatda qeyd olunub.