Xəbər - Asif Mehman – Trend:
Optimal tariflər tətbiq olunduqdan sonra sudan qənaətlə istifadə oluna bilər
AzerTimes-ın məlumatına görə, bunu “Azərsu” ASC-nin şöbə müdiri Elçin Camalov AzTV-nin “Hədəf” verlişinə açıqlamasında bildirib.
“Beynəlxalq təcrübələrdə görürük ki, dünyanın əksər ölkələrində su qıtlığına qarşı mübarizənin ən yaxşı metodlarından biri tariflərin istifadəsidir. Həm də burda optimal tariflər tətbiq olunduqdan sonra təbii kisudan qənaətlə istifadə oluna bilər. Biz bunu son dövrdə Almaniya təcrübəsində görə bilərik. Hətta son 20-25 il ərzində Almaniya təcrübəsində resursların məhdudluğu şəraitində tariflərə baxılması, onların indeksasiya edilməsi adambaşına düşən gündəlik su norması burada 160 litrdən 125 litrə qədər enmişdir” – deyə şöbə müdiri qeyd edib.
E.Camalov bildirib ki, Azərbaycanda isə adambaşına düşən gündəlik su norması 160 litrə yaxındır:
“Azərbaycanda su resurslarının məhdud olmasını nəzərə alsaq, tariflərin optimallaşdırılması Azərbaycan su normasının aşağı düşməsinə gətirib çıxara bilər”.