Bakıda Yeni ildə Şaxta baba kimi fəaliyyət göstərmək üçün yalnız 1 nəfər rəsmi müraciət edib.
Bu barədə AzerTimes-a açıqlamasında Bakı Şəhər İcra Hakimiyyətinin Mətbuat xidmətinin rəhbəri Mətin Hüseynov deyib.
“Bakı Şəhər İcra Hakimiyyətinin Ticarət və Xidmət Departamentinin məlumatına görə, bu il Şaxta baba və Qar qız xidməti ilə bağlı hələ ki, 1 müraciət daxil olub və müraciət aidiyyəti üzrə rəy bildirmələri üçün ərazi əməkdaşlarına yönləndirilib. Keçən il isə Şaxta baba və Qar qız xidməti ilə bağlı Departamentə heç bir müraciət daxil olmamışdı”, – Hüseynov bildirib.