Azərbaycanda ilk dəfə olaraq paleoseysmoloji tədqiqatlara başlanılıb.
Azərbaycan Milli Elmlər Akademiyası nəzdində (AMEA) Respublika Seysmoloji Xidmət Mərkəzinin İnformasiya şöbəsindən AzerTimes-a bildirilib ki, bunu mərkəzin baş direktoru, AMEA-nın müxbir üzvü, professor Qurban Yetirmişli Elmi-Texniki Şuranın iclasında deyib.
Q.Yetirmişlinin sözlərinə görə, Böyük Britaniyanın Oksford Universiteti ilə birgə aparılan tədqiqatlar tarixi zəlzələlərin öyrənilməsi, həmin zəlzələlərin relyefdə yaratdığı dəyişikliklərlə bağlı elmi araşdırmalar aparılması baxımından olduqca vacib və əhəmiyyətlidir.