Oğuz rayonunda zəncirvari yol-nəqliyyat hadisəsi baş verib.
AzerTimes xəbər verir ki, hadisə bu gün İsmayıllı-Qaraməryəm-Şəki avtomobil yolunun rayonun Bayan kəndi ərazisindən keçən hissəsində qeydə alınıb.
Belə ki, hərəkətdə olan “Mersedes Vito” markalı mikroavtobusla “Toyota Prius” və “Opel” markalı minik avtomobilləri toqquşub.
Qəza zamanı 3 nəfər müxtəlif dərəcəli bədən xəsarətləri alıb. Yaralılar Şəki Rayon Mərkəzi Xəstəxanasına yerləşdiriliblər.
Faktla bağlı araşdırma aparılır.