Paşinyan arzuolunmaz həmvətənlərinin və dostlarının Ermənistana girişinə qadağa qoyulması istiqamətində yorulmaz fəaliyyətini şərh etdi. Və cənab Paşinyan ənənəsi üzrə yalan danışdı. Belə çıxır ki, “onlar”, yəni biz İrəvana etdiklərimizin 1%-ni Rusiyaya qarşı etsəydik, vətənimizin yaxınlığına belə gələ bilməzdik.
AzerTimes xəbər verir ki, bu sözləri Rusiya Dövlət Dumasının MDB İşləri üzrə komitə sədrinin birinci müavini, ermənipərəst siyasətçi Konstantin Zatulin Paşinyanın onları ölkəyə buraxılmama səbəbləri haqda sözlərinə cavab olaraq deyib.
“Mən nə erməni, nə də Ermənistan vətəndaşıyam. Və heç vaxt olmamışam. Lakin otuz ildən artıq ictimai, siyasi və parlament fəaliyyətim dövründə tarixi yaddaşa sadiqliyin, rus və erməni xalqları arasında dostluğun, Ermənistanın özü tərəfindən tanınmayan “dqr”ə (Xankəndidəki separatçı rejimə – red.) dəstəyin tərəfdarı olmuşam. Məsələn, 1995-ci ildə Osmanlı İmperiyasında erməni xalqının “soyqırımının” Rusiyada tanınması haqqında qətnamənin müəllifi olmuşam. Yaxud 2018-ci ildə Rusiya-Ermənistan Lazarev Klubunu yaradıb və 2021-ci ildə Qarabağ əhalisinin (Qarabağdakı ermənilərin demək istəyir – red.) koronavirusa qarşı peyvənd olunmasını təşkil etmişəm və s.
Ermənistanda çoxlu dostum var, amma Baş nazirin dediyinə görə, mən yanlış insanlarla dostam. Yeri gəlmişkən, keçən il qadağadan sonra o, Ermənistan Respublikasının hazırkı səfirini mənə lazım olanlarla “dostluğa məcbur etmək” ümidi ilə yanıma göndərmişdi. Yazıq səfir! Amma Paşinyanın “bəzilərinə”, yəni həm də mənə iddiaları hamısı bir növ cəfəngiyyatdır. Guya “bəziləri”, yəni mən də daxil olmaqla, Ermənistan hökumətindən dəhlizlə bağlı verdiyi vədləri yerinə yetirməyi tələb etmişik.
Aydınlıq gətirirəm. Keçən il Paşinyanın təbliğatçılarının yalanları ilə zombiləşən bir jurnalist mənə telefonla sual verdi: “Rusiya niyə Ermənistandan Azərbaycana Zəngəzur dəhlizinin verilməsini tələb edir?” Dedim ki, məsələ ümumiyyətlə Rusiyada deyil, Moskvaya Türkiyə ilə Azərbaycan arasında heç bir dəhliz lazım deyil. Ermənistanın indiki hökumətinin bəzi vədlərində, xüsusən də Azərbaycanla imzalanmış protokolda “kommunikasiyaların açılması” öz əksini tapıb. Yəni dəhliz haqqında bizə müraciət etməyin. Hamısı budur” , – o bildirib.
Zatulin qeyd edib ki, bu əsasda Ermənistan hökumətindən onun ərazisindən dəhliz açmağı tələb etdiyimi iddia etmək üçün ya axmaq, ya da Paşinyan olmalısan:
“Görünür, mən Paşinyan üçün Korotçenkoya bərabər bir adamam. Paşinyanın məni bəyənməməsinin əsl səbəbi başqalarını bəyənməmə səbəbi ilə eynidir. Nikol hesab edir ki, Ermənistan odur! Xatırladım ki, Nikol bir dəfə bəyan etdi ki, “Dağlıq Qarabağ Ermənistandır. Və nöqtə” Nəticədə nələr oldu?”