Niderlandın Moskvadakı səfiri Rusiya Xarici İşlər Nazirliyinə çağırılıb.
AzerTimes xəbər verir ki, bu barədə Rusiya Xarici İşlər Nazirliyinin mətbuat xidməti məlumat yayıb.
Bildirilib ki, Britaniya kəşfiyyatı Rusiyanın Haaqadakı hərbi attaşesini ələ almağa cəhd edib.
“Səfirlə söhbət zamanı vurğulanıb ki, bu cür təxribat xarakterli hərəkətlər yolverilməzdir, 1961-ci il Diplomatik münasibətlər haqqında Vyana Konvensiyasına ziddir və Rusiyanın xarici nümayəndəliklərinin normal fəaliyyətinə mane olur”, – məlumatda qeyd olunub.