Nəriman Abbasovun döyüşü təxirə salındı

Nəriman Abbasovun döyüşü təxirə salındı

Azərbaycanın yüngül çəkidə MMA idmançısı Nəriman Abbasovun “Naiza Fighting Championship” turnirində qazaxıstanlı Fanil Rafikovla keçirməli olduğu döyüş təxirə salınıb.

AzerTimes turnirin rəsmi saytına istinadən xəbər verir ki, buna rəqib döyüşçünün zədələnməsi səbəb olub. Qarşılaşma martın 18-də Qazaxıstanın paytaxtı Astanadakı “Jekpe Jek” idman kompleksində baş tutmalı idi.

Rafikov döyüşə çıxa bilməyəcəyi üçün MMA həvəskarlarından üzr istəyib. O, rinqə may və ya iyun ayında qayıdacağını söyləyib.

Qeyd edək ki, Abbasov son olaraq, ABŞ-ın Las-Veqas şəhərində keçirilən “Dana White’s Contender Series” (Deyna Vaytın İddiaçılar Seriyası) turnirində braziliyalı İsmael Bonfimə uduzub.

Teqlər: