ABŞ Azərbaycanla Ermənistan arasında sülhün mümkün olduğuna inanır.
AzerTimes xəbər verir ki, bunu ABŞ Dövlət Departamentinin mətbuat katibinin müavini Vedant Patel deyib.
“Bu məsələ hərbi yolla həll oluna bilməz. Diplomatiya yolu birbaşa dialoq, irəliləyiş üçün etibarlı yoldur. Buna görə də biz bu mühüm danışıqlarda iştirak etmək üçün iki xarici işlər nazirini qəbul etməkdən çox məmnunuq. Dövlət katibi və Departamentin digər rəsmiləri bu məsələ ilə fəal şəkildə məşğul olur və biz bu prosesi yaxından izləyəcəyik”, – Vedant Patel bildirib.
Qeyd edək ki, Azərbaycan və Ermənistan XİN başçıları Ceyhun Bayramov və Ararat Mirzoyan 1 maydan etibarən ABŞ-da ikitərəfli danışıqlar aparırlar.