NATO-nun 10 dövləti alyansın inteqrasiya olunmuş hava və raketdən müdafiə sistemini genişləndirir.
AzerTimes xəbər verir ki, bu barədə alyansın məlumatında bildirilib.
“NATO-nun 10 ölkəsinin müdafiə nazirləri Almaniyanın rəhbərlik etdiyi “Avropa Səma Qalxanı” təşəbbüsünü inkişaf etdirmək üçün anlaşma memorandumu imzalayıblar. Bu təşəbbüs hava hücumundan müdafiə sistemləri və raketlərin birgə alınması yolu ilə Avropanın hava və raket hücumundan müdafiəsini gücləndirmək məqsədi daşıyır”, – məlumatda vurğulanıb.
Sənədə əsasən Almaniya “Avropa Səma Qalxanı” layihəsində aparıcı rol oynayır. Belçika, Macarıstan, Danimarka, Latviya, Litva, Niderland, Sloveniya, Çexiya və Estoniya da bu layihədə iştirak edir.