Almaniya və Belçikalı həkimlər elmi işin nəticələrinə əsasən, koronavirusun beyin hüceyrələri üçün təhlükəsiz olduğunu bildiriblər.
Trend xəbər verir ki, alimlər həkimlərin COVID-19-un əsas simptomlarından biri hesab etdikləri qoxu itkisi olan anosmiyanı tədqiq ediblər. Onlar infeksiyadan bir neçə gün sonra ölənlər də daxil olmaqla 85 xəstənin məlumatlarını təhlil ediblər.
Mütəxəssislər belə qənaətə gəliblər ki, SARS-CoV-2 ilə yoluxmanın əsas obyektləri insan burun boşluğunun qoxu epitelindəki hüceyrələrdir. Lakin alimlər koronavirusun qoxuya cavabdeh olan sensor neyronların koronavirusun təsirinə məruz qaldığına dair heç bir sübut tapmayıblar.
Beləliklə, tədqiqat virusun iybilmə selikli qişanın neyronlarını yoluxdurması ilə bağlı əvvəl səsləndirilən iddiaları təkzib edir.