Ukraynada xüsusi hərbi əməliyyat 2024-cü ilin sonuna qədər başa çatacaq və bunun üçün bütün ilkin şərtlər var.
AzerTimes xəbər verir ki, bu sözləri Rusiya Silahlı Qüvvələrinin Baş Hərbi-Siyasi İdarəsinin rəis müavini, “Əhməd” xüsusi təyinatlılarının komandanı, general-mayor Aptı Alaudinov deyib.
“Tramplar, Zelenskilər və onlar kimi başqaları gəlib-gedirlər, amma biz çox vaxt yalnız Allaha güvənirik. Mən xüsusi əməliyyatın bu il bitəcəyini söylədim. Təkrar edirəm və buna əminəm. Bəlkə kimsə düşünəcək ki, mən niyə bu qədər əminliklə danışıram? Düşünürəm ki, bunun üçün bütün ilkin şərtlərim var, nədənsə mən hələ də daha çox Müqəddəs Yazılara diqqət yetirirəm, inamım birbaşa bundan qaynaqlanır”, – o bildirib.
Alaudinovun sözlərinə görə, Kiyev artıq başa düşür ki, müharibənu uduzub.