Məşhur model Kara Delevinnin Los-Ancelesdəki 7 milyon dollarlıq malikanəsi yanaraq kül olub.
AzerTimes xəbər verir ki, həm də aktrisalıq edən ingilis model yanğın zamanı evdə olmayıb. O, teatr tamaşası üçün Londona gedib.
Bildirilir ki, gecə 4 radələrində evin arxa bağçasından başlayan yanğın qısa müddətdə evə də keçib və malikanə tam olaraq yanıb.
“İnana bilmirəm. Həyat bir anda dəyişə bilər. Sahib olduqlarınızın qiymətini bilin”, – model İnstaqram hesabında hadisəyə münasibət bildirərkən yazıb.
Yanğının dəqiq səbəbi məlum deyil.
Qeyd edilir ki, model 2019-cu ildə bu mülkü 7 milyon dollara alıb.