Ermənistan xarici işlər naziri Ararat Mirzoyan Avropa Birliyinin xarici işlər və təhlükəsizlik siyasəti üzrə ali nümayəndəsi Jozep Borrell ilə danışıb.
AzerTimes xəbər verir ki, bu barədə Ermənistan XİN açıqlama yayıb.
Mirzoyan Borrellə Azərbaycanın Qarabağ iqtisadi zonasının bir hissəsində məskunlaşan erməni icmasının “humanitar böhran”la üzləşdiyi haqda ənənəvi erməni təbliğatına uyğun məlumat verib.
Həmsöhbətlər regional təhlükəsizlik məsələləri ilə bağlı fikir mübadiləsi aparıblar.
Mirzoyan Meşəli qətliamının günahkarlarından olan Vaqif Xaçatryanın Azərbaycan sərhədçiləri tərəfindən həbs edilməsini “humanitar hüququn kobud şəkildə pozulması” adlandırıb. O, buna qarşı beynəlxalq birliyi yardıma çağırıb.