Sosial şəbəkələrdə “Bakı Metropoliteni” QSC-nin rəhbərinin
adından yayılan iş təkliflərinə aydınlıq gətirilib.
Məsələ ilə bağlı Trend-ə açıqlama verən metropolitenin Mətbuat
xidmətinin rəhbəri Bəxtiyar Məmmədov bildirib ki, sosial
şəbəkələrdə yayılan məlumatlar yalandır.
Onun sözlərinə görə, “Bakı Metropoliteni” QSC-də işçiyə ehtiyac
olunduqda elanlar verilir.
“Metropolitendə işə götürmə şəffaf və mərhələli şəkildə işə
qəbul prosesi həyata keçirilir. Hər hansı bir qeyri-qanuni yolla
“Bakı Metropoliteni” QSC-də işə düzəlmək qeyri mümkündür”, –
B.Məmmədov deyib.
Qeyd edək ki, naməlum şəxs QSC rəhbərinin adından vətəndaşa
votsap vasitəsi ilə mesaj yazaraq “Bakı Metropoliteni”ndə aylıq 650
manata “iş” təklifi edib. Lakin vətəndaş onun təklifini rədd
edib.