Qarışıq stil döyüşçüsü (MMA) Ceff Monson islamı qəbul edib.
AzerTimes xəbər verir ki, bu barədə TASS-a idmançı özü məlumat verib.
Monson çərşənbə günü Moskvada şəhadəti (kəlimeyi-şəhadət – red.) dilə gətirib..
“Mən islamı şüurlu şəkildə qəbul edirəm. Bu çətin zamanda qardaşlarımla çiyin-çiyinə dayanmaq istəyirəm. Bu barədə çox düşünmüşəm, lakin bu, həlledici addımdır”, – Monson deyib.
Monsonun 53 yaşı var və 60 qələbə, 26 məğlubiyyət və 1 heç-heçə rekorduna malikdir.
Monson 2018-ci ildə ABŞ vətəndaşlığından imtina edib, Rusiya Federasiyasının vətəndaşı olub. 2023-cü ilin sentyabrında Vahid Rusiya Partiyasından Başqırdıstan Dövlət Məclisinə deputat seçilib.