Əmək və Əhalinin Sosial Müdafiəsi Nazirliyinin tabeliyində
Dövlət Məşğulluq Agentliyinin 13 saylı Ərazi Məşğulluq filialının
əməkdaşları tərəfindən “Karyera planlaması” mövzusunda
məktəblilərlə peşəyönümü məsləhət görüşləri keçirilib.
Hacıqabul rayonunun 10 və 8 nömrəli məktəblərində keçirilən
görüşlərdə 8-11-ci siniflər üzrə “Özünütanıma”, “Bazar
Araşdırması”, “Məqsəd təyini”, “Fəaliyyət planı hazırlamaq ” kimi
mövzularda təqdimatlar edilib, məktəblilərin müasir əmək bazarı,
peşə və ixtisaslar barədə sualları cavablandırılıb.
Qeyd edək ki, “Karyera Planlaması” çərçivəsində digər
məktəblərdə də mütəmadi olaraq bu cür görüşlərin keçirilməsi
nəzərdə tutulur.