Moskvada məktəbli qız tanışı ilə əlbir olub anasının qətlini sifariş edib.
AzerTimes Globalinfo.az-a istinadən xəbər verir ki, hadisə vilayətin Balaşixa şəhərində qeydə alınıb.
Belə ki, 14 yaşlı qızın 15 yaşlı oğlan dostu onlara gələrək birlikdə yaşamaq istədiklərini bildiriblər. Ana isə bu fikri qəbul etməyərək, oğlanı göndərməyə çalışıb və bu zaman ana-qız arasında mübahisə yaşanıb.
Buna hiddətlənən qız dostundan anasını öldürə biləcək şəxsləri tapmasını istəyib. Dostu ona təklif edib ki, iki tanışı (16-17 yaşlı) 350 min rubla onun anasını öldürə bilər.
Onlar razılaşdıqdan sonra, martın 24-də qız dostu ilə birlikdə cinayəti törədənləri mənzilə buraxıb. Onlar qurbana hücum edərək onu boğublar. Girişdəki müşahidə kamerası yeniyetmələrin gecə vaxtı meyiti küçəyə çıxararaq zibil qutusuna necə atdığını lentə alıb. Mələfəyə bükülmüş meyit səhər saatlarında bir xadimə tərəfindən tapılıb.
Faktla bağlı cinayət işi başladılıb.