Xəbər - Ceyhun Ələkbərov – Trend:
Vətən müharibəsindən sonra son iki ay ərzində Cəbrayıl, Zəngilan, Qubadlı və Laçın rayonunun bir hissəsində Dövlət Sərhəd Xidmətinin (DSX) 10 yeni hərbi hissəsi istifadəyə verilib.
AzerTimes-ın məlumatına görə, bunu jurnalistlərə DSX mətbuat mərkəzinim rəisi polkovnik Maya Şərifova deyib. Onun sözlərinə görə, hazırda yeni hərbi hissələrin tkintisi həyata keçirilir:
“Vətən müharibəsində müqəddəs torpaqlarımızın və sərhədlərimizin bərpa olunması istiqamətində həyata keçirilən əməliyyatlarda DSX-nin hərbçiləri də yaxından iştirak ediblər.
Ermənistanın işğalına son qoyulduqdan sonra İran İslam Respublikası ilə dövlət sərhədində zastavaların fəaliyyəti bərpa edilib. Bundan əlavə olaraq bildirim ki, Cəbrayıl, Zəngilan, Qubadlı və Laçın rayonunun bir hissəsində Dövlət Sərhəd Xidmətinin 10 yeni hərbi hissəsi istifadəyə verilib. May ayının sonuna kimi isə daha 6 hərbi hissənin tikilərək fəaliyyətə verilməsi nəzərdə tutulur”.