ABŞ Konqresi “Speys X” şirkətinin rəhbəri İlon Maskın Ukraynadakı hərəkətlərini araşdırmaq istəyir.
AzerTimes xəbər verir ki, bu təşəbbüslə Demokratlar Partiyasının üzvü, senator Elizabet Uorren çıxış edib.
Uorrenin sözlərinə görə, söhbət Maskın Ukraynanın Krım sahillərində Rusiya hərbi gəmilərinə hücum etməməsi üçün “Starlink” peyklərini gizli şəkildə söndürməsindən gedir.
“Konqres baş verənləri araşdırmalı və xarici siyasətin təkcə bir milyarderin deyil, hökumət tərəfindən idarə olunmasını təmin etmək üçün əlimizdə adekvat vasitələrin olub-olmadığını öyrənməlidir”, – Uorren bildirib.
Qeyd edək ki, sabah İlon Mask ABŞ-ın texnologiya sənayesi liderlərinin Kapitolidə senatorlarla qapalı görüşündə iştirak edəcək.