Amerikalı iş adamı İlon Mask Rusiya Təhlükəsizlik Şurasının sədr müavini Dmitri Medvedevin 2023-cü il üçün proqnozlarını absurd hesab edib.
AzerTimes xəbər verir ki, İlon Mask Dmitri Medvedevin paylaşımının altında yazıb:
“Bunlar indiyə qədər eşitdiyim ən absurd proqnozlardır və eyni zamanda süni intellektin və davamlı enerjinin inkişafından xəbərsizliyi göstərir”.
Beləliklə, Mask Medvedyevin proqnozlarını şərh etməyə davam edib – bundan əvvəl Mask onları “epik” adlandırmışdı.
Mask, həmçinin, Medvedyevin paylaşımı ilə bağlı bir ildən sonra özü üçün xatırlatma qoyub.
Qeyd edək ki, Medvedev 2023-cü il üçün bəd futuristik proqnoz verib. Onun fikrincə, neftin qiymətinin barreli 150 dollara, qazın qiyməti 1000 kubmetr üçün 5 min dollara qədər yüksələcək, Aİ dağılacaq, ABŞ-da vətəndaş müharibəsi başlayacaq və Mask daxili konfliktlər nəticəsində dağılmış ABŞ-da seçkilərdə qalib gələcək.