Fransa Prezidenti Emmanuel Makron HƏMAS tərəfindən 2023-cü ilin oktyabrın 7-də İsraildə törədilən qətliamın birinci ildönümü ilə bağlı paylaşım edib.
AzerTimes xəbər verir ki, Makron X səhifəsində ibrani dilində yazdığı tvitində İsrail xalqına başsağlığı verib.
“Yeddi oktyabr. Bir il əvvəl olduğu kimi, ağrı hələ də buradadır. İsrail xalqının ağrısı. Bizim ağrımız. Yaralanmış insanlığın ağrısı. Biz ölənləri, oğurlananları, uzaqlarda olmaqdan və ya geri dönməyi gözləməkdən ürəyi qırılan ailələri unutmayacağıq”, – Makron bildirib.
Qeyd edək ki, bir neçə gün öncə Fransa Prezidenti Emmanuel Makron Qəzza zolağındakı münaqişənin həlli üçün İsrailə silah tədarükünün dayandırılmasının vacibliyini bildirmişdi. Makronun bu açıqlaması İsrail tərəfindən böyük narahatlıqla qarşılanmış, ölkə rəsmilərinin etirazlarına səbəb olmuşdu.