İsrail ordusu Qəzza zolağında əməliyyatın yerüstü mərhələsinə hazırlıqlarını davam etdirir.
AzerTimes xəbər verir ki, bunu İsrail Baş naziri Benyamin Netanyahu xalqa televiziya ilə müraciətində bildirib.
“Bu, hələ başlanğıcdır. Bundan əlavə, yerüstü əməliyyatlara da hazırlaşırıq. Bunun nə vaxt, necə olacağını deməyəcəyəm, nəzərə aldığımız bütün amilləri açıqlamayacağam. Onların əksəriyyəti ictimaiyyətə məlum deyil”, – Netanyahu deyib.
Qeyd edək ki, daha öncə “Voll Strit Jurnal”ı İsrail ordusunun Qəzzaya quru əməliyyatını təxirə saldığı barədə xəbər yayıb.
