Avropa Birliyinin xarici siyasət üzrə ali nümayəndəsi Jozep Borrell gələn həftə Çinə səfər edəcək.
AzerTimes xəbər verir ki, bu barədə AB-nin xarici işlər üzrə nümayəndəsi Piter Stano bildirib.
Stano Borrellin üç günlük ( aprelin 13-dən 15-dək) Çində səfərdə olacağını deyib.
Qeyd edək ki, Fransa Prezidenti Emmanuel Makron və Avropa Komissiyasının sədri Ursula fon der Leyen hazırda Pekindədir. Onların məqsədi Çin lideri Si Szinpini Ukraynada müharibənin dayandırılmasına kömək etmək üçün Rusiya Prezidenti Vladimir Putinə təsirindən istifadə etməyə inandırmaqdır.