Belarusa qarşı istənilən aqressiyaya dərhal cavab veriləcək.
AzerTimes xəbər verir ki, bu barədə Belarus Prezidenti Aleksandr Lukaşenko deyib.
“Sakitlik olacaq. Əgər kimsə bizə qarşı silahdan istifadə etsə, dərhal cavab verəcəyik. Biz hər hansı xətlər çəkməyəcəyik. Biz minlərlə kilometr olan Rusiya deyilik, orada nə isə çəkmək olar. Ana vətən Rusiyanı dərhal zəbt etmək olmaz, axı… Belarus isə son müharibənin göstərdiyi kimi, bir neçə aya mövcudluğunu dayandırdı. İndi isə daha tez baş verəcək. Ona görə də heç bir xətt olmayacaq. İstənilən təcavüzə ani cavab veriləcək”, – deyə dövlət başçısı bildirib.