BMT-nin nüvə müfəttişləri bildiriblər ki, Liviyanın şərqində yerləşən bir ərazidə saxlanılan təxminən 2,5 ton təbii uran itib.
AzerTimes xəbər verir ki, bu barədə Beynəlxalq Atom Enerjisi Agentliyinin (MAQATE) rəhbəri Rafael Qrossi təşkilata üzv dövlətlərə göndərdiyi məlumatda deyilir.
O bildirib ki, müfəttişlər tərkibində uran filizi konsentratı olan 10 barabanın itdiyini qeyd edib.
Onun bəyanatında vurğulanıb ki, nüvə materialının hazırkı yeri ilə bağlı məlumatların itirilməsi nüvə təhlükəsizliyi ilə bağlı narahatlıqla yanaşı, radioloji risk də yarada bilər.
MQATE rəhbəri bəyan edib ki, hazırkı vəziyyət dərhal aradan qaldırılmalı və itmiş uranla bağlı təhqiqat aparılmalıdır.