Livanın “Sadaeliklim” xəbər portalında Türk Ağsaqqalları İctimai Birliyinin idarə heyətinin sədri, Missiya Media Qrupunun rəhbəri Ramin Əhmədovun Heydər Əliyevin anadan olmasının 100 illiyi çərçivəsində hazırladığı məqalə dərc olunub.
AzerTimes xəbər verir ki, “Ümummilli lider Heydər Əliyevin Azərbaycan-Livan münasibətlərindəki rolu” sərlövhəli yazıda ulu öndərin Azərbaycan-Livan münasibətlərinin qurulması və inkişafında göstərdiyi xidmətlərdən söz açılır.
Məqalədə ümummilli liderin təşəbbüsü və rəhbərliyi ilə Azərbaycanla Livan arasında imzalanan müqavilələr və digər məsələlərdən bəhs edilir. Eyni zamanda məqalədə Prezident İlham Əliyevin bu siyasəti uğurla davam etdirdiyi önə çəkilir.