Bu gün şəhid olan müddətli həqiqi hərbi xidmət hərbi qulluqçusu əsgər Anar Rüstəm oğlu Kazımov əslən Şəmkir rayonundandır.
AzerTimes Oxu.az-a istinadən xəbər verir ki, A.Kazımov 16.02.2004-cü ildə rayonun Qaracəmirli kəndidə doğulub.
O, bu ilin aprel ayında Şəmkir hərbi komissarlığı tərəfindən hərbi xidmətə çağırılıb.
Hazırda doğulduğu rayonda şəhidin dəfni ilə bağlı hazırlıq işləri görülür. A.Kazımovun nəşinin nə vaxt rayona gətiriləcəyi hələ ki məlum deyil.
Baş Prokurorluğun Mətbuat Xidmətindən verilən məlumata görə, faktla bağlı Qubadlı Hərbi Prokurorluğunda Cinayət Məcəlləsinin 120.2.12-ci (milli, irqi, dini ədavət və ya düşmənçilik niyyəti ilə adam öldürmə) maddəsi ilə cinayət işi başlanıb.
Hazırda istintaq davam edir.