Dövlət Sərhəd Xidmətinin Laçın sərhəd-buraxılış məntəqəsində erməni sakinlərin ölkəyə gəlişi zamanı yüklərinə əl belə vurulmadan, adi baxışla yoxlanıldığını əks etdirən görüntülər ictimai narahatlıq doğurmuşdu. Bəzi sosial şəbəkə istifadəçiləri yüklərin arasında silah-sursat daşınması ehtimalına görə daha ciddi yoxlamaya ehtiyac olduğunu irəli sürürdülər.
AzerTimes xəbər verir ki, “Laçın” sərhəd-buraxılış məntəqəsində yerləşdirilən rentgen avadanlıqlarında yüklərin necə yoxlandığını əks etdirən video yayılıb. Görüntülərdə daşınan yüklərin dəqiqliyinə qədər yoxlandığı aydın görünür.
Qeyd edək ki, 23 aprel tarixindən Azərbaycan Ermənistanla sərhəddə, Həkəri körpüsü üzərində sərhəd-buraxılış məntəqəsi qurub. Artıq Azərbaycanın suveren ərazisinə gələn və gedən hər kəs pasport yoxlamasından keçir.