Kriminal avtoritet Lotu Quli qətlə yetirildi

Kriminal avtoritet Lotu Quli qətlə yetirildi

Azərbaycanlı “qanuni oğru”, kriminal aləmdə “Lotu Quli” ləqəbi ilə tanınan Nadir Səlifov qətlə yetirilib.

Bu barədə Anadolu Agentliyi məlumat yayıb.

Məlumata görə, o, Antalyada otellərin birində birlikdə yemək yediyi yaxın adamı tərəfindən başından güllələnib. Hadisə Serik rayonunda qeydə alınıb.

Səlifov xəstəxanaya qaldırılsa da, həyatını xilas etmək mümkün olmayıb.

Qətli törədən şəxs hadisə yerindən qaçsa da, Antalya-Dənizli yolunda saxlanılıb.

Qatil Lotu Qulinin öz yaxınlığındakı adam, “Xan Əhmədlinski” ləqəbli kriminal avtoritetdir. “Xan” son zamanlar Qulinin öz təşəbbüsü ilə onun yaxın əhatəsinə daxil olub.

Qeyd edək ki, Nadir Səlifov 1972-ci il avqust ayının 28-də Gürcüstanın Dmanisi rayonunda doğulub. O, 21 il həbs həyatı yatdıqdan sonra 2017-ci ilin oktyabrında azadlığa buraxılmışdı. “Lotu Quli” həbsdən çıxdıqdan sonra Türkiyənin İstanbul şəhərini özünə məskən seçmişdi.